Chumm Du, guete Gott,
chumm Du a Arbeitsplatz und i d Asylunterkunft,
i d Behinderetewärchstatt und i ds Bundesratszimmer,
a ds Chrankebett und a Chuchitisch,
i d Disco und a d Diskussionsrundi
zum Ehrenamt und a ds freiwillige Engagement,
zu der Füürwehr und uf e Friedhof.
Chumm Du, guete Gott,
chumm Du i ds Gastgwärb und zum Gipfelträffe,
i Hobbyruum und i d Heilpraxis
uf d Intensivstation und i ds Integrationsprojekt,
i d Jugendarbeit und i ds Junioretraining,
zur Kurzarbeit und i d Kulturszene,
a Ladetisch und i ds Labor,
uf e Märitstand und i ds Probelokal vo dr Musig.
Chumm Du, guete Gott,
chumm Du zur Obdachlosenotschlafstell und zum Oratorienchor,
i d Patchworkfamilie und i ds Pflegeheim,
zu dene i Quarantäne u Mönsche mit queerer Identität,
a d Risikoabwägig und i ds Radiostudio,
zum Skilift und i ds Schuelzimmer.
Chumm Du, guete Gott,
chumm Du a Therapieplatz und uf ds Tourismusbüro,
a d Universität und a d Unfallstell,
zu der Vorfröid und i Verchehr,
a Wiehnachtsbazar und i d Wärchstatt,
i d Xundheitsbbrüef und äXtra Schichte,
zum Yogakurs und i d Ysatzzentrale,
i ds Zugabteil und Zytigsredaktione.
Chumm Du, guete Gott,
chumm Du zu üs und zu allne,
wo mitenand und mit Dir wei zäme si.
Amen
(HCG)